Amerika Qo'shma Shtatlari demokratiya emas, balki oligarxiya, tadqiqot natijalari

Amerika Qo'shma Shtatlarida hukmronlik qiluvchi sinf va kichik guruhning umumiy aholiga nazorati ostidagi hukumat shakli - oligarxiya deb ataladi. Prinston va Shimoli-g'arbiy universitetlarning yangi tadqiqoti AQSh hukumati ko'pchilik fuqarolarning manfaatlarini emas, balki boy va kuchli guruhlarning manfaatlarini ifoda etadi, degan xulosaga keldi.

Tadqiqot „Testing Theories of American Politics: Elites, Interest Groups, and Average Citizens“ nomi bilan ataladi va 1981-2002 yillar oralig'ida qabul qilingan 1800 ga yaqin AQSh siyosatini o'rganib, ularni oddiy va badavlat amerikaliklarning, shuningdek maxsus guruhlarning izdoshlariga qiyoslaydi.

Tadqiqot natijalari AQSh siyosatining iqtisodiy elitlar tomonidan belgilanishini empirik tarzda isbotladi. „Bizning tadqiqotimizning markaziy nuqtasi shuki, iqtisodiy elitlar va tashkilotlar, shuningdek, biznes manfaatlarini ifoda etuvchi guruhlar AQSh hukumati siyosatiga katta mustaqil ta'sir ko'rsatadi, boshqacha aytganda, oddiy fuqarolar va ularning guruhlari deyarli hech qanday mustaqil ta'sirga ega emaslar“, - deyiladi tadqiqotda.

Tadqiqot AQSh siyosatini to'rtta asosiy nazariy an'analardan - Majoritarian Electoral Democracy, Economic Elite Domination, Majoritarian Pluralism va Biased Pluralism - asosida o'rganib, AQSh siyosatining ko'p hollarda fuqarolarning ko'pchiligining manfaatlariga mos kelmasligini aniqladi.

Tadqiqot mualliflari AQShda „demokratiya“ haqida gapirish mumkin emas, chunki ko'pchilikning manfaatlari hukumat tomonidan hisobga olinmayapti, degan xulosaga keldi. Tadqiqotda, shuningdek, AQShda saylovlar, so'z erkinligi va boshqa demokratiya unsurlari saqlanib qolganiga qaramay, mamlakatning demokratiya sifatidagi da'vosi jiddiy tahdid ostida qolayotgani aytiladi.

Asl manba: upi.com